【一生一世盃】施寶盛：狂牛傳接仍屬世界級

【Now Sports】再一次，在大賽前訪問本港花式足球名將施寶盛，再一次，他對西班牙情有獨鍾。

「無錯，依然係西班牙！對西班牙嗰種講求技術同控球嘅風格，一直都情有獨鍾。佢哋嘅傳控足球，同我哋追求嘅球感（Ball Feeling）某程度上好相似。」施寶盛既是狂牛忠粉，要他分析狂牛今屆的爭冠有利與不利因素，自然毫無難度：「西班牙嘅中場傳接依然係世界級，能夠保持控球節奏，呢點喺大型賽事好重要。」

「不利因素係球隊正處新老交替，缺乏一個像以往韋拿或費蘭度托利斯咁穩定嘅高產射手，進攻能力會係關鍵。」他表示今屆會特別留意也馬。「雖然佢年紀輕輕，但喺邊線嘅 1 VS 1 突破同假動作非常流暢，甚至帶有一種街頭足球嘅隨性。我會覺得佢係繼基斯坦奴朗拿度同美斯後，最出色嘅足球員。」

外號「旺角美斯」、曾在足球世界賽勇奪第4名，施寶盛腳法固然出神入化，問他當今球壇誰最適合轉行踢花式足球？他認為非巴西球星尼馬莫屬：「佢哋本身嘅腳法已經好有個人色彩，特別係尼馬，如果轉行玩花式足球，一定會係世界級高手。」

雖然他支持西班牙，但覺得法國捧盃機會最大：「踢波始終講一個團體，佢哋嘅陣容深度實在太誇張。即使係花式足球，近年法國都係好勁，呢個可能同成個國家足球文化都有關係 。」

今屆有咩睇波計劃？「雖然世界盃工作好忙，喺表演同訓練嘅空檔睇波，或者約埋一班花式足球嘅兄弟一齊睇，順便交流吓靈感。不過最想當然係同屋企人一齊睇，因為平時成日要周圍飛去外國藝術節或者比賽，難得大賽，可以同太太一齊感受氣氛。」

下次預告：住加男人點睇加拿大搞世盃？

【一生一世盃】，睇波美好回憶，可以係一生一世。決賽周前訪問不同界別球迷，分享睇世盃的難忘回憶，以及對今屆賽事的睇法。

相關文章：
【一生一世盃】狂迷上屆現場追睇法國
https://sports.now.com/home/news/details?id=39621563987
【一生一世盃】余德丞撐簡尼
https://sports.now.com/home/wc2026/news/details?id=39621021858
【一生一世盃】嫁著馬騮隨山走
https://sports.now.com/home/wc2026/details?id=39616300974
【一生一世盃】劉舜文：最想同路維睇波
https://sports.now.com/home/wc2026/details?id=39613823882
【一生一世盃】居港西班牙人：決賽周兩邊飛
https://sports.now.com/home/news/details?id=39606745542
【一生一世盃】馬評人CP難忘與故友
https://sports.now.com/home/news/details?id=39601023934
【一生一世盃】植詠珊：最想約螢花隊友睇波
https://sports.now.com/home/news/details?id=39597496200

【世盃‧F組列強】瑞典兩把尖刀煞食

4小時前

國密教練：美斯相當疲累

7小時前

【世盃倒數17日】弊！美斯疑似受傷

10小時前

伊朗世盃基地由美移墨

2026/05/24 18:06

【世盃倒數18日】蘇格蘭走寶冇選「老虎」升班功臣？

2026/05/24 12:09