【一生一世盃】狂迷上屆現場追睇法國

【Now Sports】為愛隊可以去到幾盡？如果你問法國球迷Ricky，答案就是在上屆世界盃，現場睇足愛隊7場比賽。

Ricky說，兒時覺得現場睇世界盃是遙不可及，只能在屋企睇直播，但長大後卻把以為遙遠的事情變為現實：「睇決賽簡直係好夢幻嘅事，特別係2018年喺俄羅斯，我都係買黃牛先入到場。當買到飛嗰刻，好擔心又好興奮，到你嘟到飛入到場，個人癲咗咁開心跑入場。當你見到自己愛隊攞到冠軍到舉盃一刻，成個人喊出嚟。」

過去數年，他多次現場睇波，尤其是上屆世界盃：「2021年踢嘅歐洲國家盃決賽，有飛去唔到，到2022年疫情期間，都諗住去唔成，結果跟足全程同法國走到最後。」Ricky在卡塔爾世界盃現場睇多場比賽，包括愛隊全部7場，花費約7萬元。當時曾因此接受本港報章訪問。

有別於2018年，這次法國決賽飲恨，他感受甚深：「決賽兩度落後，兩度追回，當時興奮又係喊咗岀嚟，只可惜差一步未成功衛冕冠軍。」今屆，他希望再度入場，但看來難再成事：「今年好想再去現場，可惜買唔到飛，有飛又好貴，一屆比一屆貴，加上城市距離太遠，交通又係卻步原因，又要美簽好煩。」

「美洲盃，美國搞得咁差，我朋友去咗決賽都話好可怕，又破閘，又管理差。所謂大國都搞到咁唔好，加上美國太大開支，令我卻步……其實好可惜。」

對於法國今屆的奪冠機會，他說：「有利條件係前場好球員太多，奧拉斯、奧斯文丹比利、杜爾等太好用，不利條件係中場略略欠缺創造力。」安巴比在下半季接連受傷，不過Ricky相信他已康復，不會存在問題。他又表示今屆會特別留意杜爾、奧拉斯，以及一些快將掛帥的名將。

法國顯然是今屆奪標熱門，Ricky相信雙牙是法國其中大敵：「葡萄牙或者西班牙較為有睇頭，兩隊都人腳全面，但今屆參賽隊伍較過往多，變數亦多，冇必然晉級隊伍。」

最後被問到今屆最想與誰睇世界盃時，他說：「我細佬。上屆喺卡塔爾都一齊睇咗幾場，我就開幕開始跑到決賽，其實好想同佢睇決賽。我人生睇咁多次不同賽事決賽，都冇佢份。」不過他慨嘆往往受工作限制：「喺香港搵食，好難放長假，我都係疫情關係旅遊業工作停晒，叫做因禍得福，去足一個月。」

下次預告：香港花式足球名將施寶盛繼續撐狂牛

【一生一世盃】，睇波美好回憶，可以係一生一世。決賽周前訪問不同界別球迷，分享睇世盃的難忘回憶，以及對今屆賽事的睇法。

相關文章：
【一生一世盃】余德丞撐簡尼
https://sports.now.com/home/wc2026/news/details?id=39621021858
【一生一世盃】嫁著馬騮隨山走
https://sports.now.com/home/wc2026/details?id=39616300974
【一生一世盃】劉舜文：最想同路維睇波
https://sports.now.com/home/wc2026/details?id=39613823882
【一生一世盃】居港西班牙人：決賽周兩邊飛
https://sports.now.com/home/news/details?id=39606745542
【一生一世盃】馬評人CP難忘與故友
https://sports.now.com/home/news/details?id=39601023934
【一生一世盃】植詠珊：最想約螢花隊友睇波
https://sports.now.com/home/news/details?id=39597496200

簡尼「露底照」流出 網民抽水：英軍被劫光！

36分鐘前

【世盃‧奇趣】《芝麻街》殺到！Elmo唔明越位？

1小時前

夏基美毋懼Vini：摩洛哥是非洲巴西

2小時前

基摩退隊照赴波士頓「蘇」up

2小時前

僅踢半場原來受傷 佩利錫：唔想冒險啫！

4小時前